Ert þú eins og við og getur ekki fengið nóg af jólaklassíkinni sem inniheldur hrísgrjón, vanillu og kirsuberjasósu? Þá ættir þú að dekra við þig og þitt fólk með þessari útgáfu af Ris a la Mande með Whey 100 vanillu próteininu. Þú munt finna jólastemninguna alla leið niður í maga!
Undirbúningstími: 20-25 mínútur Heildartími: 75 mínútur
Fjöldi: 8 manns Hitaeiningar: 356 í hverjum skammti
Innihald:
· 1 l. nýmjólk
· 1 dl. vatn
· 180 g. grautargrjón
· 3,5 dl. sýrður rjómi 18%
· 50 g. Whey 100 Vanilla
· 1 vanillustöng
· 70 g. flórsykur
· 70 g. möndlur
Aðferð:
1. Byrjið á að útbúa hrísgrjónagrautinn.
2. Setjið vatn og hrísgrjón í pott og látið sjóða í 5 mínútur.
3. Bætið þá við mjólkinni og vanillustönginni og látið grautinn sjóða við lágan hita í 1 klst. Hrærið reglulega í grautnum.
4. Þegar grauturinn er tilbúinn bætið við flórsykri og látið kólna.
5. Hægt er að útbúa grautinn daginn áður og geyma í kæliskáp yfir nótt.
6. Hrærið upp í sýrða rjómanum og saxið möndlurnar.
7. Bætið söxuðum möndlunum í grautinn og hrærið. Hrærið sýrða rjómanum varlega saman við grautinn.
8. Smakkið grautinn til með flórsykri og etv vanilludufti.
9. Berið fram með kirsuberjasósu.
Höfundur: Camilla Drabo
Comments