Snarl með síðdegiskaffinu eða eftirréttur. Við getum ekki lofað að þú látir eina sneið duga þegar þú hefur smakkað próteinríka bananabrauðið okkar.
Undirbúningstími: U.þ.b. 1 klst.
Magn: 12 skammtar / 12 þykkar sneiðar
Hitaeiningar: U.þ.b. 170 hitaeiningar í hverjum skammti (1 skammtur = 1 þykk sneið bananabrauð)
Innihald:
· 50 g próteinduft (u.þ.b. 1,5 skeið*) – með vanillubragði.
· 225 g heilhveiti
· 2 egg
· 5 msk bráðið smjör eða olía
· 300 g vel þroskaðir bananar (4 meðalstórir bananar)
· ½ dl léttmjólk
· 1 msk lyftiduft
· 1 tsk salt
*1 skeið = 35g (þú finnur mæliskeið í Functional Nutrition Whey 100 prótein pokanum þínum)
Aðferð:
· Ofninn er forhitaður í 170 gráður eða 150 gráður í blástursofni.
· Öllu hráefninu er blandað saman í skál. Stappið banana með gaffli áður en þeim er bætt út í.
· Hrærið vel saman með sleif.
· Smyrjið brauðform eða hyljið það með bökunarpappír og hellið deiginu í formið. Látið brauðið bakast í 50-60 mínútur.
· Stingið gaffli eða tannstöngli niður í miðju brauðsins undir lok bökunartímans. Ef ekkert deig er á gafflinum er brauðið tilbúið.
· Látið brauðið kólna í 10 mínútur áður en það er tekið úr forminu.
Ef þú vilt gefa brauðinu smá auka bragð geturðu bætt við bæði söxuðum hnetum og/eða súkkulaði. Þetta er ekki hluti af hitaeiningaútreikningnum.
Einnig má setja allskonar álegg á brauðið.